طـنـش تعـش تنـتعــش

طنش تعش يرتـاح قلبـك وترتـاح
والريح لا هب افطـن وصـك بابـه
وحبل الأمل لا ينقطع خلـه وشـاح
من فوق صدرك والحدب من نصابه
خلك صميـدع لا تخوفـك الأشبـاح
واعزم على درب الخطـر لاتهابـه
سر الحيـاة أم الخسايـر ولأربـاح
من يعرفـه لابـد يحسـب حسابـه
ومن يجهله يصبر على الكسر لأطاح
وفي دنيته لو صـاح محـدآ درابـه
لاتلوم نفسـك باكـر الهـم ينـزاح
واتـرك هواجيـس تجيـب الكابـه
افرح بجيت من حضر وانس من راح
واقطف زهورالعمر في اول شبابـه
خذ راحتك وافرح بساعات الأفـراح
ولاجات لحظـات الكـدر والرتابـه
دورفجـوج الأرض خليـك سـواح
تـرا ليالـي هالـزمـن ماتشـابـه
ولا لا تمنـي عينـك ف بـارقٍ لاح
ماكل برق ينـوض يـروي سحابـه
والطير من غير ازرق الريش وجناح
مايقدريحلـق وضـاق الفضـا بـه
لاكـن لاتزيـد المواجـع والاتـراح
واسمع كلامي زيـن تلقـاء الذرابـه
طنش تعيش وتنتعش وانـت ترتـاح
ولا كل من يتعب على شـي جابـه