وصِيَّه مِن قبل مُوتي أبكتِبها بدُون ألقاب

رووح الحيآه · 06-11-2009, 10:04 PM

وصِيَّه مِن قبل مُوتي أبكتِبها بدُون ألقاب
عشان اللِّي يجي بَعدِي يتذكَّرني ويقراني

صَريحَه صَفحِتي هذي وبخلِّيها بدُون احجَاب
بَسولِف للمَلا .. واللِّي على قلبي على لساني

بَعَلِّم غِيري وش فِيني مِن همُوم وشِقى وعتاب
وعلى فِكرَه ترى قلبي(حقيبه) كلَّها أحزاني

أبذكِر .. كِل ما أذكِر مَدام إن الزمَن ينعاب
أبغرق .. وأشعِل ظنُوني مَدام إن العُمر فاني

برسِّي مِن بُقى فيهُم وعَسَاها تِسلَم الأرقاب
وأبلفِظ آخر أنفاسِي عشان القاصِي والداني

ترى ما كِل مِن قرَّب قِريبٍ .. والغِياب غياب
ولا كِل شَخص يِضحَك لِي أعِدِّه مِثل إخواني

أهاب المُوت في لحظه ولحظه المُوت مِنِّي يهاب
أواسي نفسي بنفسي وأكُون المَجني الجاني

أنا ما أكتِب شعوري عَشان ألقى صَدَى وإعجاب
أنا أكتِب .. لَجِل أرضِي جُروحي وضِيق كِتماني

وإذا قلبي غدا شايب من همومه بَعدني شاب
وعُمري توَّه صِغيِّر ... وقُويَه حِيل أمتاني

أبد ما كِنت مِتصَوِّر تِجيني نشوة الأحباب
لأني ما عرفت [ الحُب ] .. إلاَّ يُوم ناداني

وقبل لا أقول كِلماتي وأودِّيني على المحراب
أبدفِن دَفتِري بإيدي .. مَدام الوَقت حدَّاني

إذا شمس اللِّقا غابت وتفارقنا بدُون أسباب
بتذكرني مَع الأيام ؟ .. وإلاَّ عادي تنساني

سؤال يدُور في بالي حبيبي والظنون إقراب
أنا إن رِحت عَن دربي يا غالي وين ألقاني ؟

وإذا كان الوصِلْ صَادِق ترى بُعدك عَلي كذاب
أفكِّر فِيك وفي حَالي حقيقه الحُب أعْمَاني

خذاني مِنْك وسواسٍ فِتَح للأسئِله .. أبواب
يخلِّيني أشِك إنِّك تِحِب لِك واحِد(ن) ثاني !!

يا خُوفِي الحَظ مَا يَصدِق مَعَاي ونِنتِهي أغراب
لأني كِل ما أحْلِم أشوف .. الوَقت صحَّاني

حبيبي .. لا تِطمِّني وتِشقِق مِن غلاي ثِياب
أبَسكِن دُوم في بالِك و أبيك تِكُون عنواني

مَدام إنِّي لَجِل عِينِك زَعَل مِنِّي كِثير أصحاب
ترى لازم لَجل عِيني .. تِعَوِّض كِل حرماني

نويت أكتِب شِعِر عَنِّك مَدامِك للشِعِر طلاب
عسى يعجِبك ما باقي مِن حُروفي وألواني

أغمِّض عِيني وأكتِبلِك وأفتحهَا ألاقي كتاب !
شعوري إنصدم منِّي .. وأثاري هذا ديواني

ماعاد بدري · 13-11-2009, 01:13 AM

راقت لي ,,, إلى حد الثماله ....

ماأروعها تلكـ الأبيات ... لامست أحاسيسي

روح الحياه ,,,, وشلون أقاوم والمرض ,, بناء بيته على قلبي واستوطنه ,,,

وشلون ... أشيله ماقدرت !!! بصبر على سقمي .... وراجع واقول :

روح الحباه

سلمت أناملكـ وألتقاطكـ لتلكـ الرائعة ...

دمت بخير عزيزتي

رووح الحيآه · 15-11-2009, 12:32 AM

ربي يسلمكـ يالغلآآ

تشـــكرآآتي لكـ على التوآجد العطر

لا عدمنــــآآكـ

همسة غلا · 16-11-2009, 02:28 PM

بَعَلِّم غِيري وش فِيني مِن همُوم وشِقى وعتاب
وعلى فِكرَه ترى قلبي(حقيبه) كلَّها أحزاني

يسلمك رب ِ حبيبتي روووح...

كلمااات قمت الرووعه لكن الأروع من كتبهااا...

تحياااات ِ لكـ

//

همسةغ ــــــــــــلآ...

نسمه هواء · 17-11-2009, 08:52 PM

اللهم صل على محمد وعلى آله وصحبه أجمعين مشكوووووور والله يعطيك الف عافيه
كلمات فى منتهى الروعه

رووح الحيآه · 18-11-2009, 11:13 PM

ألف شكر لك حبيبتي همســة غــــــلآآآآ

ونسمـــــــــــة بــآآرده .

على التوآآجد العطـــر الذي عطــر صفحـآتــــي

منــــــــــورين

’’الغروري اعشقوني’’ · 27-11-2009, 12:24 AM

كلمات في قمة الرووعه
لاهنتي يايالغلا ولاعدمناك
بنتظآر جديدك
عــوآآفي

أدوات الموضوع	إبحث في الموضوع
عرض نسخة صالحة للطباعة أرسل هذا الموضوع إلى صديق	إبحث في الموضوع: البحث المتقدم

الذين يشاهدون محتوى الموضوع الآن : 1 ( الأعضاء 0 والزوار 1)

وصِيَّه مِن قبل مُوتي أبكتِبها بدُون ألقاب

منتدى خاص لشعراء الورد - شعر - شعراء - اشعار - الشعر العربي - قصيدة