اخواني واخواتي الكرام
اسعد الله اوقاتكم
السموحة منكم لني مقصر في حقكم وحق المنتدى بس الظروف تجبرني في بعض
الاحيان .
والله يعلم كم معزتكم في القلب والسموحة منكم على القصور
اهديكم قصيدة اتمنا ان تنال اعجابكم بعنوان ( شيبة بس قلبي خضر )
شيبة بس قلبي خضر .......... وشوفي قليل وكلي نظــــر
افهم بسرعة لغات العيون ....... وأعرف علوم البدو والحضر
وادري باني دريك الممات ........... ولكن حياتي كزهر النضر
وقالوا معلق بموت وحياة ........... رجل بالحياة ورجل بالقبر
ولكن فؤادي فؤاد الشباب ............ وكلي تفاؤل وطيبة وحذر
ولا شفت بنت بعمر الزهور ........ تفز المشاعر وقلبي حضر
ولا رحت ابغي زواج شريف ...... قالت ( شويبة ) وأبوها أعتذر
وماني ب (رغدي ) اغازل الحريم .... ولاني بفاسد اشرب الخمر
احب اللطافة واعد القصيد..... .....وعندي مشاعر وأهوى السهر
ونفسي عفيفة وقلبي رحوم ...... ودمعي بسرعة جرى وانفجر
وعايش حياتي بليا شريك ................ وقالوا عيالي : أبوي انتظر
عندك عيوز وتوها شباب ....................... ولكن نشوفك تدور عذر !
قلت اسمحولي كفاني عذاب ........... حرام السواد يغطي النظر
حرام المبارق بويه العيوز ................... تسعل بويهك سعال يضر !
أبغي بنية تردني شباب ............................ ألعب زياها وتبذر بذر
مابا عيوز تكح وتطيح ............................ يابس ورقها ومات الجذر
قلبي معلق يحب الصغار ....................... وكل العيايز وراهن فقر
أبغي عروس بسرعة تقوم ............... ترقص وتلعب وتكتب شعر
وحالي بصراحة يبكي الصـديق ........... وتبكي وياه فروع الشجر
حسافة وطرنا تعدنا تعدى وطاف ....... وراحت علينا البنات الشقر
وماني بصابر وقلبي شباب ................. بسافر وعندي ( واحد نفر )
باخذ بنية صغيرة تكون ...................... خواتها النجوم وهيه القمر
وخل العوانس بحره وعذاب ................. يصيحن علينا طول العمر
15-12-2009, 08:55 AM
شيبة ولكن قلبي خضر
